Dankfees

Dankfees

29 Oktober 2014

kerslig en klank

“Kom sing ‘n lied om vir die Here dankie te sê…”

Psalm 147:7

Ons wil graag weer oudergewoonte hierdie jaar afsluit met ons eie projek wat waarde toevoeg tot elkeen van ons gesinne. Ons nooi u elkeen, elke oupa en ouma, elke kosbare leerder, boeties, sussies en maats na ‘n onvergeetlike dankfees met kerslig en mooi klank op ons pawiljoen en rugbyveld. Ons Fairlanders gaan almal saam lof bring aan God en heerlik saam sing om dankie te sê vir soveel seëninge wat ons onverdiend in 2014 ontvang het. Joshua na die Reën, tesame met ons junior- en seniorkoor sal sorg dat die dankfees se sangbegeleiding ekstra spesiaal gaan wees.

DATUM: Woensdag 29 Oktober

TYD: 18:30 tot 20:00

KOSTE: Gratis. Bring net jou eie stoel/kombers

Parkering op die rugbyveld

Ons sien uit daarna om nog ‘n jaar saam met elkeen van julle, wat so deel is van ons skool se hartklop, met hierdie hoogtepunt af te sluit.

Indien daar enige bereidwillige hande is wat sal help met die voorbereiding vir die aand, kontak asb. vir Melani Dirks (082 897 2796 of meld@telkomsa.net).

Posted in Uncategorized

Redenaars

ATKV-redenaars: Nasionale kampioen!

Pieter le Roux het op 14 Augustus geskiedenis gemaak toe hy as nasionale kampioen aangewys is by die ATKV se nasionale byeenkoms. Hy het eerste geëindig in die afdeling vir gr. 6 en gr. 7 landwyd. Dit beteken natuurlik dat Pieter wat nou eers in gr. 6 is, sy man gestaan het teen al die top gr. 7-redenaars in die land, sowel as sy eie graadgroep. Ons is besonder trots op Pieter vir hierdie uitsonderlike prestasie. Hy het voorwaar Laerskool Fairland se vaandel hoog gedra! Pieter, ons weet jy gaan nog sommer lank een van die voorste redenaars in jou portuurgroep wees en ons wens jou graag geluk met jou prestasie.

Posted in Uncategorized

Motorkompetisie

Inligting is onder “As jy nog iets wil weet”.

Posted in Uncategorized

Revue

Vir meer inligting kyk onder “Ons speel” en dan “Revue”.

Posted in Uncategorized

Visie

By Laerskool Fairland word leerders begelei om gebalanseerde tieners te wees met die oog op sukses in die hoërskool. Die skool se belofte dat elke leerder saak maak is ‘n aktiewe leefwyse vir almal.

Posted in Uncategorized | Leave a comment